"Ата Мекендин" депутаттары Баткенде чек арачылардын абалы менен таанышышты

Жогорку Кеңештеги "Ата Мекен" фракциясынын депутаттары 23-февралда Баткен облусунун Көк-Таш, Ак-Сай айылдарында болуп, жашоочулардын көйгөйлөрүн угушту. Депутаттар “Капчыгай” тозотунда болушуп, жоокерлерди майрамы менен куттукташты, алардын жашоо шартын көрүштү. Фракциянын катчылыгы билдиргендей, Баткен облустук драма театрында 23-Февраль - Ата Мекенди коргоочулар күнү менен куттукташып, алдынкы жоокерлерге партиянын Ардак грамоталары жана акчалай сыйлыктар тапшырылды.