Кара-Балтадагы “Жунда” заводу боюнча депутаттык комиссия түзүү сунушун депутаттар колдобой коюшту

Жогорку Кеңеште бүгүн, 26-февралда Кара-Балта шаарындагы мунайды кайра иштетүүчү “Жунда” заводу боюнча депутаттык комиссия түзүү сунушун депутаттар колдобой коюшту. Сунушту “Ата Мекен” фракциясы киргизген болчу. Айта кетсек, аталган заводдон чыккан жагымсыз жыт аймактагы айылдарды каптап, анын кесепетинен жаш балдар ооруп жатканы айтылууда. Жергиликтүү тургундар заводдун ишине нааразы болуп, эки жолу митингге чыгышкан. Депутаттар бул фактыны иликтеп чыгуу үчүн ЖКнын тармактык комитетине 2 апта убакыт берди.