Бишкек шаарындагы бир катар мекемелер шаардын жолдорун, тротуарларын, аялдама комплекстерин кардан, муздан тазалоо иштерин жүргүзгөн эмес

Бишкек шаарынын мэриясынын Санитардык-экология инспекциясы тарабынан шаардын жолдорун, тротуарларын, аялдама комплекстерин кардан, муздан тазалоо иштеринин жүрүшүн көзөмөлдөө максатында рейд уюштурулду. Анда бир катар мекемелер тиешелүү деңгээлде иш жүргүзгөн эмес.  

Мэриянын басма сөз кызматынын маалыматына караганда, текшерүүнүн жыйынтыгында жергиликтүү өз алдынча башкаруу органдарынын, турак жай жана чарба субъекттеринин жетекчилерине 81 жазуу жүзүндөгү эскертүүлөр берилген.