Ферганада Кыргызстан менен Өзбекстан чек ара маселелерин талкуулашты

28-февралдан 2-мартка чейин Фергана шаарында Кыргызстан жана Өзбекстандын өкмөттүк делегацияларынын кыргыз-өзбек мамлекеттик чек арасындагы делимитациялоо жана демаркациялоо маселелери боюнча жумушчу топторунун кезектеги жолугушуусу болуп өттү. Бул тууралуу Өзбекстандын Тышкы иштер министрлигинин басма сөз кызматы кабарлады.

Маалым болгондой, жолугушууда кыргыз-өзбек мамлекеттик чек арасынын өзүнчө чөлкөмдөрү боюнча линияны сызуу долбоору жана тийиштүү картографиялык материалдар каралды. Мындан тышкары айрым аймактарда текшерүү иштери жүргүзүлдү.