Муфтий Максатбек ажы Токтомушев: "Муфтиятта коррупцияны жоёбуз"

Бүгүн, 4-мартта Бишкекте өтүп жаткан Кыргызстан мусулмандарынын кезексиз V Курултайында муфтийликке жаңы шайланган Максатбек ажы Токтомушев “Кыргызстандын муфтиятындагы коррупцияны сөзсүз түрдө жоёбуз” деп билдирди.

“Муфтият кыргыз коомунун бир бөлүгү болгондуктан, коррупция "оорусу" ага жугуп жатат. КМДБда пара алууну жоюу боюнча иштерди баштаганбыз. Албетте, бизде кемчиликтер бар. Эгер мамлекет Дин башкармалыгы менен тыгыз байланышта чогуу иштесе, коррупцияны жоюу жеңилирээк болот”,- дейт муфтий Максатбек ажы Токтомушев.