Ырчы Кенже Дүйшееванын жолдошу концертте кыргыз элине таазим этип, жүгүндү

Бишкекте бүгүн, 4-мартта Кожомкул атындагы Спорт Ордосунда ырчы Кенже Дүйшеева менен “Жебе” тобунун концерти өтүүдө. Анда А.Малдыбаев атындагы Опера жана балет театрынын солисти Алмаз Истамбаев менен “Жебе” тобу бирге ырдап чыгышты. 

Алып баруучу Жеңишбек Айтиев ырчы жигиттердин чач жасалгасы тууралуу “үйлөнө элек короздун чачы го” деп залды күлкүгө бөлөдү. Балдар тамашаны улай үйлөнбөгөндөрүн да айтышты. Ырчы мырзалардын Кенже Дүйшеева менен чогуу аткарган “9 жаш” аттуу чыгармасы көпчүлүктүн көңүлүнөн түнөк тапты. 

Концерттин жүрүшүндө казак элине келин болгонун айтып, “Анашым” аталышындагы ырды “жаңыдан аткарып жаткандыктан, кагаз карап ырдасам” деп казак тилинде ырдап берди. “Сүйүүмдү таптым” деген ырын аткарган соң жолдошу чыгып, ырчыга гүлдесте сунду. “Ушунча элдин алдына чыктың, 5 миллион элиме таазим этип жүгүнүп койбосоң болбойт” деди. Алып баруучу учурдан пайдаланып аталарга, апаларга, жеңелерге жүгүнттү.