Жалал-Абад шаарында колго жасалган буюмдардын жарманкеси өттү

Бүгүн, 6-мартта Жалал-Абад шаарында кол өнөрчүлөр жасаган буюмдардын жарманкеси болуп өттү. Маалыматка ылайык, жарманкеге Маданият, маалымат жана туризм министрлигинин алдындагы Туризм департаментинин директорунун орун басары Максат Усубалиев, өкмөттүн Жалал-Абад облусундагы ыйгарым укуктуу өкүлүнүн биринчи орун басары Жумагүл Эгембердиева жана район-шаарлардын жетекчилери катышышты.

Жарманкеден соң жыйын болуп, анда туризмди өнүктүрүүгө багытталган маселелер талкууга алынып, облустагы туристтик жайларды камтыган видеоролик көрсөтүлдү.