Супер-Инфо
super.kg видео
Малайзия. Жоголгон учактагы жүргүнчүнүн телефонуна коңгуроо кетүүдө
Бүгүн, 10-мартта Вьетнамдын Жарандык авиация башкармалыгы "Тхо-Чу аралынан учактын калдыктары табылды, алар дайынсыз жоголгон малайзиялык учактыкы болушу мүмкүн” деген кабар тараткан. Объектти изилдөөгө алган АКШнын коргоо кызматкерлери табылган калдыктар жоголгон учакка тиешелүү эместигин айтып чыгышканын РИА "Новости" маалымат булагы жазып чыкты. Бул аралыкта Пекин телеканалынан бир жигиттин борттогу агасына телефон чалганы, жигиттин коңгуроосу кетип, бирок эч кандай жооп болбогондугу тууралуу ролик көрсөтүлгөн. Айрым жүргүнчүлөрдүн телефонуна чалганда, "абоненттин телефону өчүрүлгөн же жеткиликтүү эмес" деген маалымат келип жатканы айтылууда. Мындан улам жүргүнчүлөрдүн туугандары "Malaysian Airlines" компаниясына спутник техникасы аркылуу издөөнү табышташты.
Автор: Дамира Арстанова
Эске салсак, 8-март күнү Малайзиянын Куала-Лумпур аба майданынан Кытайдын
Пекин шаарына сапар тарткан Боинг-777-200 учагы 239 жүргүнчүсү менен дайынсыз
жоголгон. Учак асманга көтөрүлгөндөн 2 саат өткөндө аны менен болгон байланыш
үзүлгөн. Акыркы жолу экрандан анын Вьетнам жана Малайзиянын ортосундагы
деңиздин үстүндө учуп бара жатканы жана артты карай, батышка бурулганы көрүнгөн. Малайзиянын транспорт министри Хисамуддин Хуссейндин маалыматы боюнча, учурда издөө иштерине ар кайсы өлкөлөрдөн 40 кеме жана 34 учак тартылган.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
табылган табылбаганын да жазып чыгышса