Японияда зилзаладан 18 адам жабыркады

Японияда болгон жер силкинүүдөн 18 адам жабыркады. Бул тууралуу бүгүн, 14-мартта чет элдик маалымат каражаттары жазып чыгышты.  

Маалыматка ылайык, 14-мартта Япониянын Сикоку, Кюсю жана Хонсю аралдарынын ортосунда күчү 6,1 баллга жеткен жер силкинүү катталган. Анын кесепетинен 18 адам жабыркап, ар кандай жаракаттарды алышты. Мындан сырткары Хиросима шаарында 8 миң үй-бүлө жарыксыз калды.

Энергетикалык компаниянын маалыматы боюнча, АЭСке эч кандай зыян болгон эмес. Япония метеорологиялык башкармалыгы жакын арада бул аймактарда жер силкинүү катталарын кабарлоодо.

Эске салсак, 2011-жылы 11-мартта Японияда күчү 9 баллга жеткен жер титирөө болуп, анын айынан катуу цунами жаралып, “Фукусима-1” АЭСи кырсыкка кабылган.