Режиссёр Руслан Акун жаңы тасма тартууга киришти. Башкы каармандын ролун "тамашоучу" Жеңиш Майрамбек уулу аткарат

Акыркы кезде кыргыз кино тармагында комедия жанрында тасмалар байма-бай тартылууда. Атай кетсек, 2014-жылдын 3 айында эле көрүүчүлөр "Пентхаус", "Түндүктүк келин", "Сүйүү жазы" сыяктуу кинокомедияларга күбө болуп келишет. Быйыл бул жанр дагы бир тасма менен толукталуу алдында турат. Дегеним, "Супер-Инфо" гезитинин 2013-жылдагы тандоосунда триумф жараткан "Салам, Нью-Йорк!" тасмасынын режиссёру Руслан Акун "Сүйгөнүмдүн жигити" аттуу кинокомедияны тартууга киришти. Режиссёр кезектеги тасмасы тууралуу буларга токтолуп өттү:

"Тасманын сценарийи жазылып бүттү. Башкы каармандын образын жарата турган актёр да тандалды. Ал - "тамашоучу" Жеңиш Майрамбек уулу. Учурда башка актёрлорду кастинг аркылуу тандап жатабыз. Буюрса, маанайды көтөргөн, позитивдүү тасма болот деп ишенем. Тасманын продюсери - Эрмек Нурбаев".