Орусияда мигранттарды мас абалында ур-токмокко алган жергиликтүү жарандарга карата кылмыш иши козголду

15-марттын түнүндө Орусиянын Ленинград облусуна караштуу Выборгск районунун Поляны айылында жергиликтүү жарандар курулушта иштеген мигранттарды ур-токмокко алганын орусиялык басылмалар жазып чыгышты.

Маалыматтарга ылайык, кылмышка шектүүлөр мас абалында кыргыз жана өзбек жарандарын токмоктогону айтылууда. Өзбекстандын 20-22 жаштардагы үч жараны, Кыргызстандын 17-20 жаштардагы эки жараны оор жаракат алып, ооруканага жеткирилишти.

Бул факты боюнча Орусиянын Кылмыш-жаза кодексинин “курал катары колдонулган буюмдар менен бейбаштык кылуу” беренесинин негизинде кылмыш иши козголду. Кылмышка шектүү 8 адам кармалып, ал эми ур-токмокту уюштурган жаран изделүүдө.