Өкмөттүн Ысык-Көл облусундагы ыйгарым укуктуу өкүлүнүн орун басары дайындалды

Премьер-министр Ж.Сатыбалдиевдин үстүбүздөгү жылдын 21-декабрындагы №905-буйругунун негизинде бүгүн, 24-декабрда, Кайыкова Роза Жазыбаева мурда ээлеген кызматынан бошотулуп, Ысык-Көл облусунун ыйгарым укукттуу өкүлүнүн орун басары болуп дайындалды. Эске сала кетсек, буга чейин  Р.Кайыкова Ысык-Көл районунун акиминин орун басары болуп иштеп келген. Бул тууралуу өкмөттүн Ысык-Көл облусундагы ыйгарым укуктуу өкүлүнүн басма сөз катчысы Алтынбек Давлетов билдирди.