Нооруз майрамына карата "Супара" этнокомплексинде «Бешбармак Fest II» фестивалы өтөт

Уюштуруучулар билдиргендей, фестивалда жергиликтүү кол өнөрчүлөрдүн буюмдарынын көргөзмөсү, чоподон буюм жасоо боюнча мастер-класс өтөт. Бул фестиваль ар кандай таймаштар, аркан тартыш, жоолук таштамай, жаа атуу, койдун этин устукандоо жана жиликтөө, бешбармак жасоо, бозо ичмей, ат токуу боюнча сынактар менен коштолмокчу. Келген конокторго Талас бешбармагы, Нарын бешбармагы, Чүй бешбармагы, казак бешбармагы, балбан бешбармагы, күлчөтай жана улуттук суусундуктар тартууланат. Албетте, бул иш-чара концерттик программалар менен коштолуп, фестивалдын катышуучулары Шория Республикасынан келген ырчы Чылтыс Таннагашеванын өнөрүнө күбө болуп, бийчилер менен «Кара жорго» бийин чогуу бийлешет.

Иш-чаранын соңунда улуу от жагылып, "Оп майда", "Бекбекей" жана башка элдик ырлар жаңырмакчы.