Ысык-Көл. Каракол-Эңилчек автожолуна кар көчкү түштү

31-октябрь күнү саат 13:40тар чамасында Ысык-Көл облусунун Ак-Суу районундагы Каракол-Эңилчек автожолунун 76-77-чакырымында 100 м³, 81-82-чакырымында 120 м³ кар көчкү түшүп, жол убактылуу жабылган. Жолду тазалоого 2 бульдозер тартылып, саат 16:00 чамасында автожол бир тарапка ачылды. Ал эми азыркы учурда жолду кеңейтип тазалоо иштери жүргүзүлүүдө. Бул тууралуу КРнын Өзгөчө кырдаалдар министрлигинен маалымдашты.