"Тамашоу": "Ким тапан?" сынагында оригиналдуу жооптору менен "Кыргыз двор" командасы озуп чыкты  

Бүгүн, 22-мартта Спорт Ордосунда «Тамашоу» Лигасынын 6-сезонунун жарым финалынын 1-күнүндө "Ак-Өргө city", "Позитифф", "Кыргыз двор", "Ассортти", "Айым Style", "Тамашарики", "Бишкек", "Олимпик" жана "Brooklyn" командалары таймашууда.

Командалар "Ким тапан?" сынагы боюнча күч сынашып жатышат. Калыстар тобу тарабынан ар кандай суроолор узатылып, командалардын тапкычтыгы текшерилди. Калыстар тобунун төрагасы Рысбек Жабиров Урмат Усенов менен Азамат Байматовду ордунан тургузуп, "Урматтын апасы "теректей бой бергенче, теменедей акыл берсин" дейт. Азаматтын апасы "балам жинди болсо да, бою узун болсун" дейт. Буга жаңы макал тапкыла" деп тапшырма берди. Жыйынтыгында суроолорго оригиналдуу жооп тапкан "Кыргыз двор" командасы алдыга озуп чыкты.