Кыргызстандык балбан Азамат Бараков "Украина - менин таланттарым" сынагынын жарым финалына өттү. Ал "кийинки оюндарда мындан 10 эсе оор трюктарды көрсөтөм" дейт

Адамды таң калтырган өнөрү менен өзгөчөлөнгөн Азамат Бараков көмөчтанды колу менен ийип, тиши менен темир чаканы экиге бөлөт. Ал Кыргызстандын атынан "Украина - менин таланттарым" сынагына катышып, мелдештин жарым финалына өткөнүн айтып, сүйүнүчтүү кабары менен SUPER.KG порталынын кеңсесине баш бакты.
Автор: Дамира Арстанова
"Негизи, мен бул өнөрүмдү таштап койгон элем. Бир күнү Вячеслав деген жигит "катышып көрбөйсүңбү, утпасаң да эл-жер көрүп келесиң" деп калды. Ойлонуп көрүп, анын сунушун туура көрдүм.
Бул сынакка баш-аягы 4 миңдей катышуучу катышыптыр. Алгач мунун ичинен миңин, андан соң миңдин ичинен 40 катышуучуну тандап алышты.
Чынында, менин илмийип турганымды көрүп эч ким ишенеген жок, балбан экениме. "Бийчи", "дирижёр" деп шылдыңдап жатышты. Көрүүчүлөр өнөрүмө күбө болушкандан кийин гана "Азаматсың!" деп ордунан тура калып кол чабышты. Албетте, бул мага дем-күч берди. Буюрса, сынактын жарым финалында мындан 3 эсе оор трюктарды жасайм деп турам. Эгер финалга өтсөм, анда 10 эсе оор трюктарды жасоого даярмын",- дейт кыргызстандык балбан.
Маалым болгондой, Азамат Бараков учурда эмерек чыгаруучу цехте эмгектенет. Бул өнөрүн тартуулап келе жатканына 3 жылдын гана жүзү болгон.
"Темир киши" аталган Азамат Бараков
Автор: Максат Орозумбетов
Оператор: Сергек Шатманов
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
10:25
2025-07-10

12:14
2025-07-04

19:23
2025-07-02
Рейтинг:
0

Башка сайтты жарнама кылууга же шилтеме калтырууга тыюу салынат! 3 күн банга!
Видеоматериалга тиешеси жок билдирүүлөр өчүрүлдү! Талкуудан алыстабайбыз!
Азамат германияга барып келген экен