Кытай Ош коогалаңында зыян тарткан аймактарды калыбына келтирүү үчүн 5 миллион доллар бөлүп берет

Кытай Кыргызстанда 2010-жылдын июнь айында болуп өткөн Ош коогалаңынын кесепеттерин жоюп, окуя болгон аймактарды калыбына келтирүү үчүн 5 миллион доллар бөлүп берет. Мындай маалыматты бүгүн, 25-декарбда Президенттик аппараттын маалыматтык-саясат бөлүмү билдирди. Президент Алмазбек Атамбаев Кытайдын Кыргызстанга жогоруда көрсөтүлгөн сумманы бөлүп берүүсү тууралуу келишимге кол койду. Келишим 2011-жылы 7-апрелде Кыргыз жана Кытай Өкмөтүнүн ортосунда макулдашылып, 2012-жылы 13-декабрь күнү Жогорку Кеңеш тарабынан колдоого алынган.