Эл аралык театр күнүндө Султан Раев султан Сулеймандын ролун аткарды (фоторепортаж)

"Учур" театрынын артисттери "Даңазалуу кылым" тасмасын сахнада чагылдырышууда.

"Даңазалуу кылым" тасмасындагы Сүмбүлдүн ролун Нурдөөлөт Копоев мыкты ачып берди.

Сүмбүлдүн ролундагы Нурдөөлөт Копоев гаремдеги кыздарды бийлетип жаткан учуру.

Гаремдеги кыздар бийлеп жатышат.

Гаремдеги кыздар "султан Сулейманды" - Султан Раевди сахнага алып чыгып баратышат.

Сахнага чыккан Султан Раев эмне кылышты билбей калды.

Хүррем "султан Сулейман" менен.

Хүррем "султан Сулеймандын" ролундагы Султан Раевдин этегин өөп жатканда...

Эл аралык театрлар күнүндө түрк маданиятына салым кошкон инсандар "ТҮРКСОЙ" уюмунун сыйлыгы менен сыйланышты. Алардын арасында кинорежиссёр Г.Базаров да бар.

Салтанатта "Келиндер козголоңу" спектакли коюлду.

Майрамга күбө болгон көрүүчүлөр артисттерге кол чаап отурушту.

Сахнада Кыргыз мамлекеттик циркинин өнөрпоздору.

Майрамга катышкан элдин манайы көтөрүңкү болду.

Салтанатка катышкан ар бир театр өз чыгармалары менен келиптир.

Т.Абдумомунов атындагы Кыргыз улуттук академиялык театры өз чыгармасы менен.

Майрамда маданиятка эмгек сиңирген кызматкерлерге төш белгилер да тапшырылды.

Кечеге маданият кызматкерлери К.Осмонов, Садык Шер-Нияз да катышты.

Майрамда "Маданиятка эмгек сиңирген кызматкер" төш белгиси куудул Бакыт Мукулга да ыйгарылды.

27-мартта Эл аралык театрлар күнү белгиленип, анда республиканын төрт бурчунан келген театр артисттери элге өнөрлөрүн тартуулашты. “Учур” театры “Даңазалуу кылым” тасмасынан үзүндү көрсөтүшүп, келген көрүүчүлөрдүн маанайын көтөрдү. Анда залда отурган Султан Раевди артисттер сахнага алып чыгып, султан Сулейман атап, этегинен өбүштү. Бул көрүнүш көрүүчүлөрдүн маанайын көтөрдү.