Жоомарт Оторбаев “Бажы биримдигине кирүүнү же кирбөөнү Жогорку Кеңеш чечет” деди

Кыргызстандын Бажы биримдигине кирерин же кирбешин Жогорку Кеңеш чечет. Муну бүгүн, 28-мартта премьер-министрдин милдетин аткаруучу Жоомарт Оторбаев билдирди. Анын билдиришинче, биримдикке кирүү боюнча жол картасы бүткөнү калды.

“Документ баары бир Жогорку Кеңеште каралат, эгер парламент колдобосо, анда Бажы биримдигине кирбейбиз”,- деди Оторбаев.

Айта кетсек, Жоомарт Оторбаев “Ата Мекен” фракциясынан өкмөт башчылыкка талапкер болуп сунушталды.