Бишкекте 4-6-апрелде "Жаз-2014" мода жумалыгы өтөт

Бишкекте 4-6-апрелде Ч.Айтматов атындагы Орус драма театрында "Жаз-2014" мода жумалыгы өтөт. Бул тууралуу бүгүн, 31-мартта аталган жумалыктын уюштуруучусу Виталина Шевченко кабарлады.

Анын айтымында, мода жумалыгынын биринчи күнүндө дасыккан, профессионал дизайнерлердин коллекциялары көрсөтүлөт. Экинчи күнү жаш дизайнерлердин, ал эми үчүнчү күнү калыстар тобу тарабынан мыкты деп тандалып алынган коллекциялар эл алдына тартууланмакчы. Ошондой эле жумалыктын жүрүшүндө чет өлкөдөн келген 4 эксперт дизайнерлерге мастер-класс өтөрү маалымдалды.