Иса Өмүркулов: "Мектептерде чейрек жыйынтыктала электе окуучуларды эс алууга чыгаруу туура эмес"

"Мектептерде чейректер чыгарыла электе, окуучуларды кышкы каникулга кетирүү туура эмес." Бул пикирди Бишкек мэри Иса Өмүркулов бүгүн, 25-декабрда ЖКнын Экономика жана фискалдык саясат боюнча комитетинин жыйынында билдирди. Анын айтымында, окуучуларды эс алууга кетирүүгү олуттуу себеп жок. "Билим берүү министрлиги күтүүсүз каникул жарыялап, аны аба ырайынын сууктугуна байланыштуу экенин билдирди. Мектептерге жылуулук үзгүлтүксүз берилип жатат, ошондуктан Бишкекте окуучулар билим алууну улантып жатат" деди Өмүркулов.