Кар көчкү түшүп, Ош-Бишкек унаа жолу убактылуу жабылды

Кар көчкү түшүүдөн улам Ош-Бишкек жолу убактылуу жабылды. Бул тууралуу Өзгөчө кырдаалдар министрлиги билдирди. Маалыма болгондой, 25-декабрь күнү саат 15:20 чамасында Токтогул районунда 4000 м³ кар көчкү түшүп, унаа жолун бөгөп калды. Жолду тазалоого атайын техникалар ишке киришти, ошондой эле 6 куткаруучу көчкү болгон жерге жөнөтүлдү. Алдын ала маалыматтар боюнча, көчкүнүн алдында унаалар калган эмес.