Орусияда мигранттардын 6 жаштан жогорку балдарынын манжа издери алынып, каттоодон өткөрүлөт

Орусиянын Федералдык миграция кызматы Орусияга келген 6 жаштан жогорку мигрант балдардын манжа изин алып, каттоодон өткөрө баштайт. Бул маалыматты бүгүн, 4-апрелде орусиялык басылмалар жазып чыгышты.

Мындай мыйзам долбоорунда “Өлкөгө келген үй-бүлөлөрдүн мүчөлөрү (убактылуу жашаганга уруксат алгандар, жашаганга жай издеп келген чет элдиктер жана башкалар) 6 жаштан өйдө сөзсүз түрдө манжа из каттоосунан өтүшү зарыл” деп жазылган. Жаңы мыйзам долбооруна ылайык, манжа изин өз эрки менен арыз аркылуу бекер жана коммерциялык негизде тапшырса болот. Ошондой эле долбоордо манжа издери туурасындагы маалымат кайсы органдарга түшөрү жөнүндө да айтылган. 

Кошумчалай кетсек, мигрант балдардын манжа издеринин сактоо мөөнөтү узартылды. Мурда алар манжа издин ээси 80 жашка чыккандан кийин жок кылынса, эми чет элдик жаран 100 жашка чыккан соң жок кылынары маалымдалган.