Темир Сариев: “2010-жылы биз Кыргызстанды өнүктүрүү программасы менен бийликке келгенбиз”

“2010-жылы биз Кыргызстанды өнүктүрүү программасы менен бийликке келгенбиз”,- деп билдирди бүгүн, 14-апрелде Бишкекте өткөн тегерек столдун жүрүшүндө экономика министри Темир Сариев.

Анын айтымында, аталган программага ылайык, мамлекетте парламенттик бийликти орнотуу эң негизги максат болгон. “Биздин бул максатыбыз орундалды. Албетте, парламенттик башкарууда айрым жагымсыз нерселерди байкап жатабыз, бирок бул көрүнүш анын өнүгүүсүн далилдейт”,- деди министр.