Жогорку Кеңештин Ардак грамотасы менен сыйлоо жөнүндөгү сунуштамалар колдоо тапты

Бүгүн, 15-апрелде Жогорку Кеңештин Билим берүү, илим, маданият жана спорт комитетинин жыйынында Жогорку Кеңештин Ардак грамотасы менен сыйлоо жөнүндөгү бир катар сунуштамалар колдоо тапты. Бул тууралуу ЖКнын басма сөз кызматы кабарлады.

ЖКнын Ардак грамотасына узак жылдар билим берүү тармагына сиңирген эмгеги үчүн Ысык-Көл облусунун Жети-Өгүз районундагы Барскоон айылынын Э.Кендирбаев атындагы орто мектептин кыргыз тили жана адабияты мугалими Карачач Жанболотова, башталгыч класстардын мугалими Майрамгүл Мамбеталиева көрсөтүлгөн. Ушундай эле сыйлыкка алыш күрөшү боюнча беш машыктыруучуну да көрсөтүү чечими кабыл алынды.