Жылнаама, 16-апрель: Мындан 86 жыл мурун Ишеналы Арабаев менен Кусейин Карасаев жазган алиппе китеби жарык көргөн

* 1889-жылдын 16-апрелинде америкалык киноактёр, режиссёр, сценарист Чарли Чаплин жарык дүйнөгө келген. Ал эмгек жолун театрда актёр болуп иштөөдөн баштаган. Кийин режиссёрлукка өткөн. Көп узабай "Жалгыз жылдыз" деген студияга өтүп, 12 фильмге тартылып, комедия жанрына бир топ ийгиликтерди алып келген.

* Мындан 86 жыл мурун Ишеналы Арабаев менен Кусейин Карасаев жазган алиппе китеби жарык көргөн. Кыргыздын карлыгач интеллигенцияларынын аракети менен мурдагы араб тамгалары латын графикасына өткөрүлүп, анын натыйжасында окуу жайлар үчүн жаңы графика менен басылган китептерге болгон муктаждык жаралган. 

* 1939-жылдын бул күнү Фрунзе шаарында Кыргыз мамлекеттик институту ачылган. Өкмөттүк токтомдо каралгандай, окуу жайга окуучуларды кабыл алуу жай айында жүргүзүлүп, окуу семестри 1-сентябрдан башталмак. Мындан тышкары 1-курска кабыл алуу көлөмү 200 студент менен белгиленген.

*Мындан 40 жыл мурун кыргызстандык веложарышчы Евгений Ваккер жарык дүйнөгө келген. Ал Азия чемпиондугунун 4 жолку алтын, 3 жолку күмүш медалынын ээси жана Азия оюндарынан 5 жолу күмүш медаль тагынган.

Жылнаама толугу менен бул жакта...