Азамат Конокалиев, Апрель баатыры: “МАИ кызматын реформалоого бут тосуулар болуп жатат”

КРнын Жол-кайгуул кызматын реформалоого коомчулук тарабынан бут тосуулар болуп жатат. Бул тууралуу бүгүн, 16-апрелдеги маалымат жыйынында 7-Апрель - Элдик революциясынын баатыры Азамат Конокалиев билдирди.

Анын айтымында, МАИ кызматын жакшыртуу, керектүү буюмдарды, жабдууларды сатып алуу учурунда бөлүнгөн акча каражаты толугу менен өз максатына пайдаланылбай жатат.

“Айдоочулук күбөлүктү жаштар сатып алышып, жол кырсыктарына көп кабылышат. Ушул көйгөйдү чечүү үчүн Жол-кайгуул кызматында реформаларды туура жүргүзүш керек”,- дейт “Ош шейиттери” коомдук уюмунун мүчөсү, активист Нурсултан Токтобеков.