“Bishkek Club” теледолбоорунда “No name” командасы 42 упай менен финалга чыкты

Бишкекте биринчи жолу өткөн “Bishkek Club” теледолбоорунда “No name” командасы 42 упай менен финалга чыкты. Бул тууралуу бүгүн, 28-апрелде SUPER.KG порталына “No name” командасынын мүчөсү Кадыр Жарматов билдирди.

Анын айтымында,  аталган долбоор "Тамашоунун" жетекчиси Эрмек Нурбаев жана ырчы Урмат Усеновдун демилгеси менен ишке ашкан. Анда “No name” командасы менен “Тамадалар” командасы ат салышып, жыйынтыгында “No name” 42 упай, ал эми “Тамадалар” 39 упай топтошкон. Жеңүүчү команда 40 миң сом өлчөмүндө акчалай сыйлыкка ээ болду.

Ошондой эле кийинки кезекте “Моника Беллуччи” менен “Патриоттор” командалары беттешет.

Айта кетсек, калыстар тобун режиссёр Эрнест Абдыжапаров, ырчы Урмат Усенов жана ырчы Омар түзгөн.