Гүлжигит Калыков, Тынай Алыбаев, Юлия Руцкая, Гүлзада Рыскулова, Салтанат Аширова, Марат Ибраев Конституция тууралуу ыр ырдашат

Кыргыз ырчылары Тынай Алыбаев, Гүлжигит Калыков, Гүлзада Рыскулова, Юлия Руцкая, Салтанат Аширова, Марат Ибраев 5-Май - Кыргызстандын Конституция күнүнө арналган ырды ырдап, клип тартышты. Бул тууралуу бүгүн, 28-апрелде ырчы Гүлзада Рыскулова билдирди. 

"Бул ыр "Конституция - менин тумарым" деп аталат. Сөзү Аалы Молдоканов менен Авланбек Жумабаевге, обону Нурдин Төрөбековго таандык. Кечээ, 27-апрелде клип толугу менен тартылып бүттү. Күн ысык болгонуна, чарчаганыбызга карабай тартуу иштери кызыктуу жүрдү. Сөзү, обону да мага аябай жакты. Буюрса, бул чыгармабызды 5-май күнү уга аласыздар. Бул ырды кесиптештерим Тынай Алыбаев, Гүлжигит Калыков, Салтанат Аширова, Юлия Руцкая, Марат Ибраев болуп чогуу ырдайбыз",- дейт ырчы.