Саламаттыкты сактоо тармагындагы гранттык келишимдин долбоорун парламенттин Эл аралык иштер боюнча комитети колдоду

Парламенттин Эл аралык иштер боюнча комитетинин 6-майдагы жыйынында Кыргызстан менен Эл аралык реконструкциялоо банкынын жана Эл аралык өнүктүрүү ассоциациясынын ортосундагы гранттык келишимдин долбоору колдоого ээ болду. Саламаттыкты сактоо министри Динара Сагынбаеванын айтымында, Дүйнөлүк банк келишим алкагында 11 миллион 963 500 доллар бөлүүдө. Бул акчага өлкөдөгү 22 оорукана оңдолот. Ал эми кайсы райондордун ооруканалары оңдоло турганын атайын комиссия аныктап чыгат.