Дастан Бекешев: “Учурда жаштардын Улуу Жеңиш кандай баа менен келгенин билишпегени өкүндүрөт”

“Бүгүнкү күнү биздин жаштардын Улуу Ата Мекендик согушта Улуу Жеңиш кандай баа менен келгенин билишпегени өкүндүрөт”,- деп айтты бүгүн, 8-майда тегерек столдун жүрүшүндө ЖКнын депутаты Дастан Бекешев. 

Анын айтымында, Советтер Союзу жоюлуп, ага кирген мамлекеттер көз карандысыздыгын алган соң өз тарыхтарын кайра жазып, илгерки улуттук баатырларды, окуяларды тарых китептерине чагылдырып башташкан. “Биздин чек арадагы жаңжалдар, Украинадагы окуялар ушунун натыйжасы”,- деди эл өкүлү. Мындан тышкары депутат биримдикти урматтоо, кызматташуу деген баалуулукту пропагандалоо керек экендигин баса белгиледи.