Баткен облусу менен Тажикстандын чек арасындагы чатактан 14 кыргызстандык жаракат алды

Баткен облусундагы Тажикстан менен чектешкен аймактагы бириктирилген ооруканага 9 киши ар түрдүү жаракаттар менен алынып келинген. Бул тууралуу бүгүн, 8-майда Саламаттыкты сактоо министрлигинин басма сөз кызматынан билдиришти.

Маалыматта белгиленгендей, аталган окуяда жалпысынан 14 киши жаракат алган. Анын ичинен 5 адамга амбулатордук жардам көрсөтүлүп, 8 адам травматология бөлүмүнө жаткырылган. 1 адам жандандыруу бөлүмүнө жаткырылып, учурда анын диагнозу такталып жатат.