“Кыргызстан Америка менен Орусиянын чырдашуусунда “пешка” болуп жатат” дейт Исхак Масалиев

“Кыргызстан Америка менен Орусиянын чырдашуусунда “пешка” болуп жатат” деп айтты бүгүн, 8-майда тегерек столдун жүрүшүндө КРнын Коммунисттер партиясынын лидери Исхак Масалиев.

Анын айтымында, америкалык империалисттер өз кызыкчылыктарын гана көздөп, Украинадагы жаңжалдарды жаратууда. “Аларга каршы Орусия менен Кытай чыгууда. Биз ушул чоң оюнда "пешка" болуп жатабыз”,- деди ал.

Мындан тышкары ал кыргыз элине улуттук лидер керек экенин баса белгиледи. “Бүгүнкү күнү Акаевди, Бакиевди, Атамбаевди жамандап жатышат. Анда жаштар кимди мактап, үлгү катары эсептеши керек?”- деди Масалиев.