Салыктык текшерүүлөрдүн жыйынтыгы боюнча бюджет 1 миллиард 26 миллион сом менен толукталды

2014-жылдын 1-кварталында республиканын салык органдары тарабынан ишкердик субъектилерге карата 2577 салыктык текшерүү жүргүзүлүп, анын жыйынтыгы боюнча бюджет 1 миллиард 26 миллион сом менен толукталды. Бул тууралуу бүгүн, 12-майда Салык кызматынын 2014-жылдын 1-кварталынын иштеринин жыйынтыгы боюнча өтүп жаткан коллегиянын отурумунда айтылды.  

Маалыматка ылайык, 2013-жылдын ушул мезгилине салыштырмалуу 214 миллион сомго же 26,4 пайызга ашыкча болду. Укук коргоо органдарына салыктык текшерүүнүн жалпы суммасы 100,4 миллион сом болгон 22 материал жиберилген.