Орусиялык ырчы Александр Розенбаум биринчи жолу Бишкекте концерт берди (фоторепортаж)

Орусиялык белгилүү ырчыны кыргызстандык күйөрмандар дүркүрөгөн кол чабуулары менен тосуп алышты.

Ырчы Гүлнара Тойгонбаева - Александр Розенбаумдун күйөрманы. Ал бул концертке кызы менен келген.

Александр Розенбаумдун концертине Туратбек Касымбеков да келиптир.

Музыканттардын аспаптары.

Филармониянын залы 100 пайыз элге толду.

Александр Розенбаум "Афганистан" ырын аткарууда.

Концерттин жүрүшүнөн.

Александр Розенбаум табиятынан эркектин күчтүү баритон үнүнө ээ ырчы катары белгилүү.

Концерттин жүрүшүнөн.

Жаш активист Айбек Баратов Александр Розенбаумдун чыгармачылыгын сүйүп угат экен.

Александр Розенбаумдун музыкалык жамааты.

Концерттин жүрүшүнөн.

Бүгүн, 12-майда орусиялык белгилүү ырчы Александр Розенбаум өзүнүн чыгармачыл тобу менен Бишкекте Улуу Жеңиш күнүнө карата “Эң мыкты” аталышындагы концертин берди. Музыкалык кече Т.Сатылганов атындагы Улуттук филармонияда орун алды. Саат 19:00гө белгиленген концерттин көшөгөсү туптуура 19:15те ачылды. Филармониянын залы 100 пайыз ырчынын күйөрмандарына толуп, элдин дүркүрөгөн кол чабуулары менен Александр Розенбаум чыга келди.

Концертте ырчынын аткаруусунда көпчүлүктүн жүрөгүнөн орун алган согуш, сүйүү, жашоо темасындагы белгилүү жана жаңы ырлар жаңырды.

Кошумчалай кетсек, ушул эле концерт 11-майда Канттагы авиабазада коюлган. Ошондой эле 13-майда да улантылат. Композитор Александр Розенбаум табиятынан эркектин күчтүү баритон үнүнө ээ ырчы катары белгилүү.