Мамлекеттик салык кызматы май айында салыктан 3 миллиард 450 миллион сом чогултууну пландоодо

Мамлекеттик салык кызматы май айында салыктан 3 миллиард 450 миллион сом чогултууну пландоодо. Бул тууралуу кечээ, 12-майда Мамлекеттик салык кызматынын төрагасынын милдетин аткаруучу Замирбек Осмонов аталган кызматтын 2014-жылдын 1-кварталынын иштеринин жыйынтыгы боюнча өтүп жаткан коллегиянын отурумунда билдирди.

Өткөн жылы апрель айында салыктан 3 миллиард 10 миллион сом чогулган. Бул каражаттын 390 миллиону "Кумтөрдөн" түшкөн. “Бул көрсөткүчтү эсепке албаганда, биз 2 миллион 600 миң сом чогултканбыз. Анын ичинде "Кумтөрдөн" түшкөн сумма 70 миллион сомду түзгөн. Ошол себептүү планда 400 миллион сомго чукул кемчилик болуусу тууралуу коркунуч бар экенин эскерткем. Жумушту ыкчамдатуу менен бул көрсөткүчтү бир топ кыскартканбыз. Кырдаалды түшүнүү менен Каржы министрлиги жана өкмөттүн аппараты республикалык бюджетке 1,8 миллиард сомдон кем эмес каражат алып келүү тууралуу чек коюп беришкен. Биз 1,9 миллиард сом чогулттук”,- дейт ал.