Бишкекте түзөтүү мекемесинин аймагында өрт чыкты

Бишкектеги №47-түзөтүү мекемесинин аймагында өрт чыкты. Бул тууралуу Өрткө каршы мамлекеттик кызматы бүгүн, 13-майда кабарлады.

Белгилүү болгондой, Маликов көчөсүндө жайгашкан Жаза аткаруу мамлекеттик кызматынын №47-түзөтүү мекемесине караштуу №1-кароолканасында өрт чыккан. Тилсиз жоо кызматкерлердин аракети менен өрт өчүрүүчүлөр келгенче өчүрүлгөн. Электр жабдууларын пайдаланууда техникалык эрежелердин бузулушу өрткө себеп болуп, кароолкананын ички жасалгасы күйүп кеткени аныкталды.