Дайынсыз делинип жаткан 24 жаштагы жаран Чу суусунан изделүүдө

Кочкор районунда 1990-жылы туулган Эдилбек уулу Рысбек изделүүдө. Бул тууралуу ӨКМнын басма сөз кызматы бүгүн, 14-майда билдирди.

Маалыматка караганда, 24 жаштагы Рысбек 7-май күнү саат 13:00 чамасында үйүнөн чыгып кеткен боюнча келген эмес. Ал эпилепсия оорусу менен ооруйт.

13-май күнү анын туугандары Чу суусунан карап берүү өтүнүчү менен ӨКМга кайрылышкан. Учурда 10 куткаруучу издөө иштерин жүргүзүүдө.