Чүйдөгү 1-Май атындагы мектептин окуучулары Казакстандын китептерин окуп жатышыптыр

“Чүй облусунун Москва районундагы 1-Май атындагы мектептин окуучулары Казакстандын китептерин окуп жатышат”,- дейт Жогорку Кеңештин Билим берүү, илим, маданият жана спорт комитетинин бөлүм башчысы Айнагүл Супатаева. 

“Биздин комитет Чүй районундагы билим берүүнүн абалы менен таанышып жүргөндө Москва районундагы 1-Май атындагы мектептин мугалимдери окуу куралдарынын жетишпей жаткандыгынан Казакстандын китептерин окутуп жатканын көрсөтүштү. Таң калдык. Мугалимдер өздөрү да эмне себептен окутуп жатканын билбей, баштары айланып отурушуптур. Борборго жакын райондор башка мамлекеттин китептери менен окуп жатышса, анда алыскы райондордогу мектептер кандай абалда? Ошон үчүн билим берүү системи баш аламан. Муну түп тамырынан өзгөртүү кажет”,- дейт Супатаева.