Тайырбек Сарпашев Орусиядан Кыргызстанга алынып келинген айыл чарба техникаларынын саны өскөнүн айтты

Бишкекте бүгүн, 16-майда биринчи вице-премьер-министр Тайырбек Сарпашевдин, Орусиянын Кыргызстандагы элчиси Андрей Крутьконун жана орусиялык өндүрүшчүлөрдүн катышуусунда тегерек стол өттү. Жыйындын темасы: "Орусиялык техника жана жабдуулар күнү-2014". Өкмөттүн басма сөз кызматы билдиргендей, аталган иш-чара "Айыл-агро-2014" көргөзмөсүнүн алкагында өттү.

Тайырбек Сарпашев аталган көргөзмө боюнча маалымат берип, буларды билдирди: "Өткөн жылкы "Айыл-агро-2013" көргөзмөсүнүн жыйынтыгы менен Кыргызстанда Орусиядан алынып келинген айыл чарба техникаларынын саны өстү. Кыргызстандын Бажы биримдигине кириши айыл чарба мүмкүнчүлүктөрүн кеңейтүүгө жол ачат".