Шанхай: Кыргыз-кытай газ куурларын куруп, ишке берүү үчүн атайын механизмдер иштелип чыгат  

18-майда кабыл алынган декларацияда Кыргызстан менен Кытай Эл Республикасы бир тараптын аймактык бүтүндүгүнө, көз карандысыздыгына, коопсуздугуна коркунуч келтирүүчү уюмдарга, блокторго кирбей тургандыгы белгиленди. Кыргыз тарап Тайванды Кытайдын бөлүнбөй турган бир бөлүгү катары кабыл аларын белгиледи.

Декларацияда тараптар электроэнергетика, нефтегаз, гидроэнергетика тармагындагы эки тарапка тең пайдалуу кызматташтыкты бекемдей турганы көрсөтүлдү. Белгилей кетчү нерсе, 2013-жылдын 11-сентябрында Кыргызстандын өкмөтү менен Кытайдын өкмөтүнүн ортосунда “Кыргызстан-Кытай” газ түтүктөрн куруу жана ишке берүү боюнча кызматташуу келишими түзүлгөн. Бүгүн жогоруда аталган келишимдин негизинде кыргыз-кытай газ куурларын коопсуз, стабилдүү иштешүү үчүн атайын механизмдер түзүлүп чыгары белгилүү болду.