"Канн-2014" кинофестивалы: Украиналык журналист Виталий Седюктун актрисанын көйнөгүнүн этегине кирип алганы талкууга алынды

Актриса Америка Феррера 16-майда өткөн Канн кинофестивалында жагымсыз сюрпризге туш болду. Бул тууралуу бүгүн чет элдик басылмалар “Как приручить дракона-2” тасмасынын бет ачарында 30 жаштагы актрисага украиналык чуулгандуу журналист Виталий Седюк кол салды" деп жазып чыгышты.

Белгилүү болгондой, Феррера фотографтардын маңдайында сүрөткө түшүп жатканда кызыл килемге чыга калган журналист актрисанын көйнөгүнүн этегине кире калып, бутунан кармаган. Күзөтчүлөр аны жылдыздан обочо сүйрөп чыгып, полиция кызматкерлерине тапшырышкан.

Америка Феррера, актриса: “Мен эмне болгонун түшүнбөй калдым! Артымдан бир нерсени сездим, карасам бир жигит бутумду кармап жатыптыр. Бул менин аталган фестивалга биринчи келишим жана ал мага жакшы тажрыйба болду!”- деп жагымсыз окуя тууралуу бөлүшкөн.