“Кыргызстанда айрым милиционерлердин 10 жолу турникте тартына албаганы өкүндүрөт” дейт министр Абдулда Суранчиев

“Кыргызстанда айрым милиция кызматкерлеринин физикалык даярдыгынын начар болгондугу абдан өкүндүрөт” деп айтты бүгүн, 19-майда кеңейтилген маалымат жыйынында КРнын ИИМинин башчысы Абдулда Суранчиев.

Анын айтымында, айрым укук коргоочулардын 10 жолу турникте тартынууга күчү жетпейт. “Бир милиционер бар. Мектеп окуучулары гранатаны 10 метрге ыргыта алса, ал араң 9 метрге ыргытат экен. Бул, албетте, уят”,- деди министр.

Мындан тышкары Суранчиев милиция кызматкерлеринин элге болгон мамилеси боюнча да айта кетти. “Кээ бирөөлөр жарандар менен туура мамиле түзүп, эл менен тыгыз байланышта иштешсе жакшы болмок. Ата-энелер балдарын “ары-бери шалпайып жүрбөсүн, кылмыштуу топтордон алыс болсун” деп ИИМ академиясына жөнөтүшөт. Ошондуктан бизге ар кандай көз караштагы балдар келишет”,- деди ИИМдин башчысы.