Депутаттар вице-премьер Абдырахман Маматалиевди "чек ара көйгөйүн чече албайт" деп сындашты

Парламент депутаттары вице-премьер-министр Абдырахман Маматалиевди "чек ара көйгөйүн чече албайт" деп сындашты. ЖКнын Коргоо жана коопсуздук комитетинин 19-майдагы жыйынында депутат Курмантай Абдиев 7-майда болгон Баткендеги чатакты мисал келтирди.

"Баткенде 7-майдагы жаңжалды Маматалиев "чек ара жана жолдун айынан келип чыккан" деди. Чынында андай эмес, Ак-Сай айылында чек ара көйгөйү жок. Эгер вице-премьер мындан эч нерсе түшүнбөсө, башка жетекчилер эмнени түшүнсүн?"- дейт депутат. 

Айта кетсек, жыйында 7-майда болгон кыргыз-тажик жарандарынын ортосундагы жаңжал талкууланууда.