Депутаттар өлкө түштүгүнүн газсыз калышы боюнча энергетика министринин жоопкерчилигин кароону сунушташты

Парламент депутаттары өлкө түштүгүнүн газсыз калышы боюнча энергетика жана өнөр жай министри Осмонбек Артыкбаевдин жоопкерчилигин кароону сунушташты. Муну ЖКнын Отун-энергетика комплекси жана жер казынасын пайдалануу комитетинин 20-майдагы жыйынында депутат Кантемир Мурзабеков билдирди. "Кыргызгаз" сатылып жатканда газ үзгүлтүксүз жана арзан баада берилери убада кылынган. Мына, 1 айдан бери өлкө түштүгүндө газ жок",- деди депутат.