“Жеткиликтүү турак жай" программасы боюнча парламент токтом кабыл алды  

Жогорку Кеңештин 21-майдагы жыйынында “Жеткиликтүү турак жай куруунун жалпы мамлекеттик программасынын долбоорун даярдоо жөнүндө” Жогорку Кеңештин токтому кабыл алынды. Токтом долбоорунун демилгечиси, депутат Карганбек Самаков өкмөт бир айдын ичинде жеткиликтүү турак жай куруунун мамлекеттик программасын иштеп чыгуусу зарыл экенин билдирген эле. Айта кетсек, аталган программа аркылуу жеңилдетилген жол (салыктык жана башка жеңилдиктер) менен көп кабаттуу үйлөр курулуп, ал үйлөрдөгү ипотекалык негизде батир сатып алуунун наркы салыштырмалуу арзан болмокчу.