Кара-Суу райондук социалдык өнүгүү башкармалыгы Тогуз-Булак айылындагы 129 жаштагы энени Энелер күнүнө карата куттуктады

Ош облусундагы Кара-Суу райондук социалдык өнүгүү башкармалыгы Тогуз-Булак айылынын 129 жаштагы тургуну Айша Атабекованы Энелер күнүнө карата куттуктады. Муну аталган башкармалыктан билдиришти. Маалыматка таянсак, Кара-Суу райондук жарандардын актылык абалын каттоо бөлүмүнүн башчысы Назира Кожошова менен Кара-Суу райондук социалдык өнүгүү башкармалыгынын башчысы Куттубек Абдуллаев 19-май күнү 129 жаштагы (документинде 1885-жылы туулган деп көрсөтүлгөн) Айша Атабекованын үйүнө барып куттукташып, белектерин берип, социалдык абалы менен таанышып кайтышты.

Айша эненин учурда 2 уул, 3 кызы, 43 небереси, 27 чөбөрөсү, 7 кыбырасы бар экени айтылды.