Супер-Инфо
super.kg видео
Аксыда район акиминин отставкасын талап кылгандар митингге чыгышты
Жалал-Абад облусундагы Аксы районунун Кара-Жыгач айылында бүгүн, 22-майда аким Медетбек Айдаралиевдин отставкасын талап кылган митинг өттү. Муну SUPER.KG порталына аталган айыл өкмөттүн башчысы Батыркул Шабданов билдирди. Анын билдиришинче, бул митинг көпчүлүк калктын пикирин билдирбейт.
Автор: Автандил Добулбеков
"Саналуу эле адамдар митингге чыгышты, 20дай адам. Базарга келгендердин айрымдары митингдин жүрүшүнө кызыгып, келип көрүштү, жалпы 40тай адам чогулду. Уюштуруучулары - дүжүр адамдар. Алар аким туура эмес кадрдык саясат жүргүзүп жатканын айтышып, райондук ички иштер башкармалыгынын башчысы Абдырашит Керимбековдун жакында кызматтан алынышын мисал кылышты. Ушул жана башка аракеттери менен аким кадрларды уруу-урууга бөлүү менен тандап жатканын айтышты. Акимге кайрылуу жасашып, чогулгандар таркап кетишти",- деп билдирди айыл өкмөт башчысы.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
12:59
2025-07-19
16:36
2025-07-17
19:12
2025-07-15
Рейтинг: 
0
0
Талкуу жабык.