Кыргызстанда 10 сомдук тыйындын жасалмасы тарап кеткени айтылууда

Кыргызстанда 10 сомдук тыйындардын жасалмасы тарап кеткени айтылууда. Муну бизге Бишкек шаарынын тургундарынын бири билдирип, өзү күбө болгон окуяны айтты. "Маршруткага түшүп, жол киреге 10 сомдук тыйын берсем айдоочу кайра мага кайтарып, башка акча берүүмдү талап кылды. Эмнеге экенин сурасам, мен берген тыйын магнитке (кичи автобустун айдоочулары тыйын үчүн унаасына атайын магнит орнотуп алышат) жабышпай жатканын, жасалма экенин айтты. Чын эле мен берген тыйын жабышкан жок, башка тыйындар жабышып эле турат. Айдоочу "мындай учур көп болуп жатат" деп билдирди",- дейт шаар тургуну. Айдоочунун айтымында, жасалма тыйындар чыныгы тыйындан сырткы көрүнүшү боюнча айырмаланбайт (сүрөттө жүргүнчүдөн кичи автобустун айдоочусу албай койгон 10 сомдук тыйын).