Темир Сариев: “Кыргызстан Бажы биримдигине кирсе, республикалык бюджетте кыйынчылыктар болот”

Экономика министри Темир Сариев КСДП фракциясынын 23-майдагы отурумунда “Кыргызстан Бажы биримдигине кирсе, республикалык бюджет үчүн кыйынчылыктар болот. Ошондуктан Орусия жана Казакстан менен бизге жардам берүү боюнча сүйлөшүүлөрдү жүргүзүп жатабыз” деп билдирди. 

Айтымында, Кыргызстан Бажы биримдигине кирүү мөөнөтү, төлөмдөрдөн бошотуу, жеңилдиктер үчүн макулдашуу түзүү керек. Бирок ал азырынча түзүлбөйт.

“Бажы биримдигине мүчө болгондо биримдиктин мүчөлөрү менен макулдашуу болуш керек. Кирип калсак, биз эл аралык стандарттар менен иштейбиз”,- деди Сариев.